ИСТИФОДАИ ГАРМХОНАҲО НИГАРОНКУНАНДА АСТ

   Душанбе, 3 феврал. (АМИТ «Ховар», Лаззат Диловарзод). — Бино ба иттилои сардори Раёсати растанипарварии Вазорати кишоварзї Қутфулло Зиёдуллоев тибқи дурнамои хоҷагиҳои деҳқонї (фермерї) барои дар фасли зимистон таъмин намудани аҳолии шаҳр бо сабзавоти тару тоза ташкили  68 гектар гармхонаҳои доимї ба нақша гирифта шудааст.    Айни замон аз майдони 40 гектар замини гармхонаҳо ҳосили хуби помидору бодиринг, шалғаму турб, ҷаъфарию шибит ва боз чандин намуди  сабзаҷот ба бозорҳои шаҳру навоҳии ҷумҳурї ба савдо бароварда шуд.    Ба иттилои ҳамин манбаъ, то 31 – уми январи соли 2011 беш аз 15 тонна помидор, 94 тонна бодиринг, 7 тонна шалғаму турб ва ҳазорҳо бандча  сабзаҷот  бо нархи нисбат ба маҳсулоти аз хориҷи кишвар воридшаванда арзон   ба бозорҳои шаҳрҳои Душанбе, Кӯлобу Хуҷанд Қӯрғонтеппаю Хоруғ ворид   шуд.    Бо вуҷуди дар фасли зимистон ба  бозорҳои ҷумҳурї ворид   гардидани сабзавоти тару тоза истифодаи нопурраи майдони барои гармхонаҳо ҷудогардида  боиси нигарониии Раёсати растанипарварии Вазорати кишоварзї  боқӣ мемонад.