«ЁДДОШТИ ТАФОҲУМ»-И МЕҲНАТИ АРЗАНДА

    Душанбе, 10 феврал. (АМИТ «Ховар», Дилшодаи Ҷонмард).- Имрӯз дар шаҳри Душанбе миёни Вазорати меҳнат ва ҳифзи ичтимоии аҳолии ҶТ ва шарикони иҷтимоии Тоҷикистон ва гурӯҳи дастгирии техникӣ оид ба масъалаҳои меҳнати арзанда ва Бюрои ТБМ оид ба мамлакатҳои Европаи Шарқӣ ва Осиёи Марказӣ «Ёддошти тафоҳум» ба имзо расид.   Ёддошти мазкурро аз номи Ҳукумати Ҷумҳурии Тоҷикистон Вазири меҳнат ва ҳифзи иҷтимоии аҳолии ҶТ Маҳмадамин Маҳмадаминов ва аз номи Бюрои Байналмилалии Меҳнат директори минтақавии Бюрои минтақавии ТБМ барои мамлакатҳои Аврупо ва Осиёи Марказӣ Сюзанна Хоффман имзо карданд.   Дар доираи ин ёддошт Барномаи нав оид ба меҳнати арзанда (БМА) барои солҳои 2011-2013, ки бо мақсадҳои асосӣ ва афзалиятҳои Барномаи ҳудудии Созмони Миллали Муттаҳид оид ба расонидани кӯмак амалӣ мешавад, бо мақсади рушд (UNDAF) барои солҳои 2010-2015 мутобиқ буда, барои расидан ба ҳадафҳои он мусоидат менамояд. Ба ғайр аз ин, БМА-и нав дар татбиқи стратегияи миллии рушди Тоҷикистон, ки ба Ҳадафҳои Рушди Ҳазорсола ва Стратегияи паст кардани сатҳи камбизоатӣ барои солҳои 2010-2012 нигаронида шудааст, саҳми муносиб мегузорад.