6 ИНШООТИ ҶАШНӢ ДАР ШАҲРАКИ ФАЙЗОБОД

 Файзобод, 7 март. (АМИТ «Ховар», Зебо  Давлатова). – Тавре  ба  хабарнигори  АМИТ «Ховар»  раиси  ҷамоати  шаҳраки  Файзобод  Мансур  Раҳимов  иттилоъ  дод,   бахшида ба  ҷашни  байналмилалии  Наврӯзи  Аҷам, 20 – солагии  Истиқлолияти  кишвар  ва  80 —  солагии ноҳияи  Файзобод  дар  маркази   ноҳияи мазкур 6   иншооти  ҷашнӣ  ба  истифода  дода  мешавад.  Мансур  Раҳимов  қайд  кард, ки  бинои  навсохти  хуштарҳу  замонавии  шӯъбаи  сабти асноди  шаҳрвандӣ  ва  осорхонаи  ноҳия  бо  дастгирии  мақомоти  иҷроияи  ҳокимияти давлатии  ноҳия  сохта  мешаванд.            Аз  ҷониби  соҳибкори  ноҳия Шамсиддин  Абдураҳимов   дорухона ва  як  маркази  савдо бо  номи  «Сорбон»,  аз  ҷониби  соҳибкор  Раҷабалӣ  Абдурозиқов  маркази  савдои  «Сабина»  ва  аз  ҷониби  соҳибкор  Наврӯз  Холиқов   чойхонаи  миллӣ  дар  маркази  боғи  истироҳатӣ  ба  истифода дода  мешаванд.