МУСОДИРАИ 630 ГРАММ ГЕРОИН АЗ МИЁНБАНД
Душанбе, 9 март. (АМИТ «Ховар», Анварбек Сиддиқов). — Чанде қабл кормандони гумруки шаҳри Душанбе боз як ҳодисаи кўшиши интиқоли ғайриқонунии маводи мухаддирро ошкор ва пешгирӣ намуданд. Тавре аз маркази матбуоти Хадамоти гумруки назди Ҳукумати Ҷумҳурии Тоҷикистон ба АМИТ «Ховар» хабар доданд, кормандони гумруки фурудгоҳи раёсати минтақавии гумрукӣ дар шаҳри Душанбе ҳангоми барасмиятдарорӣ ва назорати гумрукии мусофирони хатсайри рақами 627 самти Душанбе-Москва шаҳрванд Ғафуров Наим, соли таваллудаш 1985-ро дар интиқоли ғайриқонунии маводи нашъаовар гумонбар дониста боздошт намуданд. Дар натиҷа ҳангоми муоинаи шахсии Ғафуров Наим аз либосҳои таҳпӯш ва миёнбанди ӯ 16 адад халтачаҳои селофании дорои хокаи ба маводи мухаддир монанд, ки ба таври пинҳонӣ дӯхта шуда буд, ёфт ва мусодира шуд. Мутобиқи хулосаи коршиносон маводи нашъаовари мусодирашуда навъи героин буда, вазни он 630 граммро ташкил дод. Оид ба ин қазия парвандаи ҷиноӣ оғоз шуда тафтиш идома дорад.
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
