Чорабиниҳо ба манзури таъмини аҳолӣ бо оби нӯшокӣ

Душанбе, 25 август. (АМИТ «Ховар», Лаззат Диловарзод).- Бо истифода аз имкониятҳои мавҷуда, корхонаҳои соҳаи обтаъминкунӣ ва канализатсия дар доираи чорабиниҳои «Даҳсолаи байналмилалии амалиёти «Об барои ҳаёт» (солҳои 2005 — 2015), ҷиҳати татбиқи «Барномаи беҳтар намудани вазъи таъмини аҳолӣ бо оби нӯшокӣ барои солҳои 2007 – 2020», ки бо қарори Ҳукумати ҶТ тасдиқ шудааст, чораҳои зарурӣ меандешанд,- гуфт директори генералии Хоҷагии манзилию коммуналӣ Алимурод Тағоймуродов ба мухбири АМИТ «Ховар».Дар иҷрои барномаи мазкур аз ҳисоби маблағҳои худӣ амалӣ намудани таъмини аҳолӣ бо оби ошомиданӣ саҳми корхонаҳои обтаъминкунӣ ва канализатсияи шаҳру ноҳияҳои Қӯрғонтеппа, Кӯлоб, Панҷ, Панҷакент, Турсунзода ва Нуробод назаррас аст.