Фарҳод Восиев касбашро дар «Шинник» давом медиҳад

Душанбе, 9 август (АМИТ «Ховар», Пайрав Назаров). – Рӯзҳои наздик ҳимоятгари дастаи футболи «Жемчужини — Сочи» Фарҳод Восиеви тоҷикистонӣ бояд қарордодро бо дастаи футболи «Шинник» — и шаҳри Ярославл имзо кунад. Тавре «Советский спорт» менависад, Фарҳод Восиев бо дастаи «Шинник» қарордоди бисёрсоларо имзо менамояд. Ташаббускори ба ин ҷо даъват шудани футболбози 21 – солаи Тоҷикистон сармураббии «Шинник» Юрий Газзаев мебошад, ки ҳанӯз солҳои дар дастаи «Криля Советов» бо Фарҳод Восиев ҳамкорӣ доштанаш аз имкониятҳои ӯ воқиф гардида буд.Хотирнишон месозем, ки аз ин пеш Фарҳод Восиев дар дастаи футболи «Жемчужини – Сочи» — и шаҳри Сочи ҳунарнамоӣ мекард. Ҳоло клуби шаҳри Сочи бинобар душвориҳои молиявиаш дар мусобиқоти лигаи миллии футболи Русия иштирок намекунад.