Машварат дар СААД

Маскав, 4 август (АМИТ «Ховар», Ҳалима Хушқадамова). – Мутобиқи нақшаи машварати намояндагони давлатҳои аъзои Созмони Аҳдномаи Амнияти Дастаҷамъӣ (СААД) аз рӯи масъалаҳои сиёсати хориҷӣ, амният ва мудофиа 2 август таҳти раёсати муовини Котиби генералии СААД А.Бадалян барои мутобиқ намудани мавқеҳои давлатҳои аъзои СААД аз рӯи масоили рӯзномаи иҷлосияи қарибулвуқӯи 66 – уми Ассамблеяи Генералии СММ машварат баргузор шуд.Дар Раёсати иттилоот ва матбуоти ВКХ ҶТ дар ин бора ба АМИТ «Ховар» иттилоъ доданд.Иштирокдорони машварат авлавиятҳои умумии иҷлосияи қарибулвуқӯи Ассамблеяи Генералии СММ – ро дар партави нуктаҳои Қатъномаи Ассамблеяи Генералии СММ таҳти унвони «Ҳамкории миёни СММ ва СААД», Эъломияи муштарак дар бораи ҳамкории байни Котиботи СААД ва Котиботи СММ, натиҷаи гуфтушуниди котибони генералии СААД ва СММ ва қарорҳои дар доираи СААД қабулшударо мавриди муҳокима қарор доданд. Ҳамчунин масоили марбут ба ислоҳоти СММ, аз ҷумла, Шӯрои Амният, вазъи Афғонистон, ҳуқуқҳои инсон, имконоти мутобиқ намудани мавқеҳои давлатҳои аъзои СААД аз рӯи проблемаҳои дар иҷлосияи СММ муҳокимашаванда, ҷиҳатҳои мухталифи ҳамкории СААД ва СММ баррасӣ шуданд.