Парчами баландтарини ҷаҳон

Душанбе, 30 август. (АМИТ «Ховар», Дилшодаи Хайрулло). – Шоми имрӯз дар майдони шафати Қасри миллат маросими ифтитоҳи иншооти Парчами давлатии Ҷумҳурии Тоҷикистон доир мегардад, ки он мустақиман тавассути кулли шабакаҳои телевизионии ҷумҳурӣ намоиш дода мешавад.Парчами давлатии Тоҷикистон дар ин ҷо ба 165 метр бардошта хоҳад шуд ва ин, тибқи иттилои масъулин, баландии рекордӣ дар ҷаҳон аст. Дарозӣ ва паҳноии парчам мутаносибан 30 бар 60 метр буда, сутуни он аз ҷониби бинокорони корхонаи «Алюминсохтмон» ва ширкати байналмилалии «Тридент Саппот» (Trident Support) бунёд шудааст.Тавре ба хабарнигори АМИТ Ховар иттилоъ доданд, дар доираи омодагӣ ба ҷашни 20-умин солгарди Истиқлоли миллӣ дар пойтахт ифтитоҳи як қатор иншооти ҷашнӣ, аз ҷумла бузургтарин Корхонаи тавлидоти кабел, Боғи миллӣ, якчанд касрҳои варзишӣ, бинои баландтарини ҷумҳурӣ, ки аз 20 ошёна иборат аст, инчунин чанд бинои баландошёнаи истиқоматӣ ва мактабҳои замонавӣ ба нақша гирифта шудааст.