Ҷамъбасти фаъолияти ИДМ тайи 20 сол ва имкониятҳо барои рушд
Душанбе, 3 сентябр. (АМИТ «Ховар», Дилшодаи Хайруллоҳ).-Дар Бӯстонсарои ҳукуматӣ ҷаласаи Шӯрои Сарони давлатҳои узви ИДМ ҷараён дорад. Тибқи иттилои расида баъди пазироии сарони давлатҳо дар «Кохи Сомон» аз тарафи президент вохӯрии онҳо дар ҳайати маҳдуд доир гардид. Гуфта мешавад, ки пеш аз вохӯрии якҷояи сарони кишварҳои узв нахуст вохӯрии дуҷонибаи президентҳо баргузор гардид. Зимни вохӯрии сарони давлатҳои узв дар Кохи Сомон 11 масъалаи муҳим мавриди муҳокимаи ҳозирин қарор дорад.Баъди ин маросими баимзорасонии ҳуҷҷатҳои ба тавофуқрасида ва нишасти матбуотӣ доир ба натиҷаҳои ҷаласа бо иштироки васеи хабарнигорони дохиливу хориҷӣ баргузор хоҳад шуд ва бо ҳамин ҷаласа ба кори худ анҷом мебахшад. Ёдовар мешавем, ки масъалаи муҳими ин ҷаласа Эъломияи сарони давлатҳои узв доир ба 20 – солагии таъсисёбии ин созмон ва баромади таҳлилӣ доир ба «Ҷамъбасти фаъолияти ИДМ тайи 20 сол ва имкониятҳо барои рушд» мебошад, ки ин санад дар нақшаи чорабиниҳо бахшида ба 20 – солагии ин созмон 21 – уми майи соли 2010 қабул гардида буд.
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
