Маркази саломатӣ дар Ховалинг
Ховалинг, 15 сентябр. (АМИТ «Ховар», С. Холов). – Дар рӯзҳои ҷашни бистумин солгарди Истиқлолияти давлатии Ҷумҳурии Тоҷикистон дар деҳаи Ёхсуободи ҷамоати деҳоти Сариосиёи ноҳияи Ховалинг бунгоҳи тиббии замонавии муҷаҳҳаз бо таҷҳизоти муосири тиббӣ сохта бо истифода дода шуд. Бунгоҳи тиббиро соҳибкори маҳаллӣ Сайҷамол Шарифов аз ҳисоби маблағҳои пасандози худ ва саҳми сокинони деҳа бунёд намудааст. Маркази саломатии мазкур минбаъд ба сокинони 3 деҳаи ҳамшафати ҷамоати деҳоти Сариосиёб хизмат мерасонад.