Дар Кӯлоб сохтмони биноҳо идома доранд

Кӯлоб, 17 октябр. (АМИТ «Ховар», С.Холов). – Дар  шаҳри Кӯлоб  корҳои  ободонию  созандагӣ  идома   доранд. Озодӣ  Ҳасанов-  сармеъмори  мақомоти  иҷроияи  ҳокимияти   давлатии  шаҳри  Кӯлоб  дар  робита ба ин  мавзӯъ  гуфт, ки  то  ин  муддат сохтмони     51 адад  иншооти  хурду  калон аз тарафи  идораю  ташкилот  ва  соҳибкорон ва  11 адад  бунгоҳи  саломатии  деҳот  тавассути  маркази  идораи  лоиҳаҳои  ислоҳоти  соҳаи тандурустии  бонки  рушди  Осиё  ба анҷом  расонида шуда, мавриди  истифода  қарор   дода шуданд. Ба  гуфтаи  манбаъ,  аз ин  шумора 22  ададаш   дар  давраи  ҳисоботӣ  бо  қарори  санади  қабул  таъмин  шуда, рӯзҳои   наздик  сохтмони 24  адад  иншооти   дигар   ба  анҷом   мерасад.