Даромади пулии аҳолӣ меафзояд

Душанбе, 20 октябр. (АМИТ «Ховар», Покиза  Маҳмадбекова ). – Мувофиқи  маълумоти  пешакӣ тайи  моҳҳои  январ —  августи  соли  равон  даромади   пулии   аҳолии  Тоҷикистон  ба  маблағи  беш  аз  10  миллиард  сомонӣ  афзуд, ки  назар  ба  ҳамин  давраи  соли  2010  зиёд  аст. Тибқи  маълумоти  Агентии  омори  назди  Президенти  ҶТ,  дар  ин  муддат  хароҷоти  пулӣ  ва  пасандоз  беш  аз  100 миллиард  сомониро  ташкил  дода,  барои  хариди  мол  ва пардохти  хизматрасонӣ 58,5 фоизи ҳаҷми  умумии  хароҷоти  пулӣ  сарф  шудааст. Қобили  зикр  аст, ки  музди  меҳнат  нисбат ба  моҳи  августи  соли  2010 баробари  29,4  фоиз  афзуда,  музди ҳадди ақал  дар  Тоҷикистон  80 сомониро ташкил  дод.