Мардум чанд рӯз истироҳат мекунад?

Душанбе, 25 октябр.(АМИТ «Ховар», Марзия Саидова).-«Дар рӯзҳои таҷлили ду иди  барои миллати тоҷик бузургу муқаддас -Рӯзи Конститутсия ва иди Курбон, ки ба 6-7 ноябр рост меоянд,  кормандони вазорату идораҳои ҷумҳурӣ ба истиснои кормандони бахши маориф ва тандурустии кишвар (омӯзгорон ва духтурон) чор рӯз – 5, 6, 7 ва 8 –уми ноябр истироҳат мекунанд. Яъне,  5 ноябр барои муаллимону духтурон рӯзи корист». Дар ин бора ба АМИТ «Ховар»  Баҳриддин Набиев, сарнозири ҳуқуқи Федератсияи иттифокҳои касабаи мустақили Ҷумҳурии Тоҷикистон иттилоъ дод.Баҳриддин Набиев афзуд, ки соли равон Рӯзи қабули Конститутсия 6 ноябр ба рӯзи истироҳат, якшанбе  рост меояд. Аз ин рӯ, бар асоси моддаи 83-и Кодекси меҳнати Ҷумҳурии Тоҷикистон агар рӯзи истироҳат ба рӯзи ид рост ояд, он ба рӯзи аввали кории баъди ид гузаронида мешавад.Сарнозири ҳуқуқи Федератсияи иттифоқҳои касабаи  мустақили ҷумҳурӣ, ҳамзамон афзуд, ки дар ин масъала шояд Ҳукумати мамлакат қарор низ қабул намояд.