«Мухтор – С» коркарди пахтаро ба 60 фоиз расонид

Кӯлоб, 4 октябр. (АМИТ «Ховар», С.Холов). –  Масъулини  Ҷамъияти Дорои  Масъулияти  Маҳдуди  «Мухтор – С» — и  ноҳияи Фархор  вуруди  ашёи  хомро  ба корхона  ба  3 400 тонна  расонида,  то  ин  муддат 1 600 тоннаи  онро  коркард карда,  ба  хоҷагиҳо баргардониданд,  — гуфт  ҷонишини   роҳбари  корхонаи  мазкур  Муҳаммадӣ  Ҳамидов.  Ба гуфтаи  манбаъ,  корхона  бо  530 хоҷагии  деҳқонии  ноҳияи Фархор ва 180  хоҷагии  деҳқонии  ноҳияи  Ҳамадонӣ   шартнома  дорад.  Дар  корхона  навъҳои пахтаи  «Флора», «Ирам», «Сорбон» коркард   мешаванд. Мавриди   зикр  аст, ки  корхона  дар  ду баст  фаъолият  карда, 120  нафар   коргарон ба  коркарди  пахта  сафарбар  гардида,  бо  шароити  лозимӣ  таъмин  мебошанд. Вуруди  пахта  ба корхона нисбат  ба  ҳамин   давраи  соли  гузашта  бештар   гардидааст,  чунки  аз  тарафи  ҷамъият   ба  хоҷагиҳои  деҳқонӣ  барои  ҳар  тонна  ашёи  хом    850  доллари  амрикоӣ  пардохт  мегардад,  — афзуд  Муҳаммадӣ  Ҳамидов.