Номувозинатӣ дар истеҳсолоти маҳсулоти саноатӣ

Душанбе, 18 октябр. (АМИТ «Ховар», Лаззат Диловарзод).- Бино ба маълумоти Агентии омори назди Президенти ҶТ, дар моҳҳои январ — сентябри соли 2011 аз 83 намуди муҳимтарин маҳсулоти саноатии истеҳсолшаванда истеҳсоли 48 номгӯйи он афзуда, 32 номгӯй кам шуда, 3 номгӯй умуман истеҳсол нашудааст.Ҳаҷми маҳсулоти ба фурӯш баровардашудаи корхонаҳои саноатӣ дар давоми моҳҳои январ – сентябри соли ҷорӣ 4 млрд. 545, 2 млн. сомонӣ ё 89,9 фоизи ҳаҷми маҳсулоти истеҳсолшавандаро ташкил дод. Дар ин давра (январ — сентябр) аз 859 корхонаи истеҳсолӣ 520 корхона аз сатҳи истеҳсоли  ҳамин давраи соли 2010 маҳсулоти бештар истеҳсол намуданд.Корхонаҳои Вазорати энергетика ва саноати ҶТ ба маблағи 2 млрд. 93,9 млн.сомонӣ  маҳсулот истеҳсол карданд, ки нисбат ба ҳамин давраи соли 2010 19,3 фоиз зиёд аст. Аммо корхонаҳое, ки дар ихтиёри вазорату идораҳои ҶТ дохил нестанд ҳамагӣ  ба маблағи 944,9 млн. сомонӣ маҳсулот истеҳсол намуданд, ки нисбат ба як соли пеш истеҳсоли маҳсулоти худро 11,5 фоиз кам кардаанд.