Озмуни «Тирамоҳи заррин» дар Душанбе

Душанбе, 24 октябр. (АМИТ «Ховар»,  Назир  Назиров). – 22  октябр  дар Маркази ҷумҳуриявии таҳсилоти  иловагӣ  озмуни «Тирамоҳи  заррин» баргузор  гардид. Дар  озмун  маҳсули  фаъолияти  хонандагони  шаҳри  Душанбе,  ноҳияҳои  тобеи  ҷумҳурӣ,  вилояти  Суғд  ва  ВМКБ   ба  маърази  намоиш  гузошта шуд.  Ғайр аз ин  викторинаи  экологӣ  баргузор  гардид.  Ҳаками бонуфуз  ба  ғолибон  диплому  ифтихорномаҳо  супурд. Дебасташоева  Моҳбегим (ВМКБ) ғолиби  викторина гардид. Дар  бахши  «Беҳтарин  асари  намоишгоҳ» ҷойи  аввал  насиби  хонандагони  мактабҳои  вилояти  Хатлон  гардид. Дар  викторинаи экологӣ ҷойи  аввалро мактабиёни  шаҳри  Душанбе  ишғол  намуданд. Иштирокдорони  дигари викторина  низ  бо  ифтихорномаю  мукофотҳо  сарфароз  шуданд.