Раиси Комиссия интихоб шуд

Душанбе, 28 октябр.(АМИТ «Ховар», Марзия Саидова).-Бо қарори ҷаласаи Комиссияи марказии интихобот ва раъйпурсии Ҷумҳурии Тоҷикистон, ки 28 октябр таҳти раёсати Шермуҳаммади Шоҳиён Раиси Комиссияи мазкур баргузор гардид,  Комиссияи  ҳавзавии интихобот оид ба интихоби вакили Маҷлиси намояндагони Маҷлиси Олии Ҷумҳурии Тоҷикистон ба ивази вакили хориҷшуда дар ҳавзаи якмандатии интихоботии Шоҳмансур №3 тасдиқ гардид.Абдулло Холиқов, ки раиси Кумитаи марказии иттифоқи касабаи «Тоҷикметалл» аст, раиси Комиссияи ҳавзавӣ интихоб шуд.Дар ҷаласа ҳамзамон сметаи хароҷот  доир ба тайёрӣ ва гузаронидани интихоботи вакили Маҷлиси намояндагони Маҷлиси Олии Ҷумҳурии Тоҷикистон  ба ивази вакили хориҷшуда дар ҳавзаи якмандатии интихоботии Шоҳмансур №3, ки 18 декабри  соли 2011 таъйин шудааст,  тасдиқ шуд.