Ҳунармандон зидди хушунату зӯроварӣ

Душанбе, 14 ноябр. (АМИТ «Ховар», Раъно Нусратуллоева).-Вазорати фарҳанги Ҷумҳурии Тоҷикистон ва Муассисаи давлатии сафарию ҳунарии «Базморо» бо дастгирии молиявии Хазинаи Созмони Милали Муттаҳид дар соҳаи нуфузи аҳолӣ (UNFPA) дар доираи маъракаи «16 рўз алайҳи зӯроварии гендерӣ» ду барномаи консертии сурудҳои миллӣ ва мусиқии муосирро бо иштироки беҳтарин овозхонҳои кишвар: Қобилҷон Зарипов, Ҳасани Ҳайдар, Нигина Амонқулова, Зиёвиддини Нурзод, Азалия Галиаҳмадова ва гурӯҳи рақсии Филармонияи давлатии Тоҷикистон ба номи А.Ҷӯраев ба нақша гирифтааст. 10 ноябри соли 2011 дар ноҳияи Ҳисор чорабинии аввал баргузор гардид. Идомаи ин иқдом пагоҳ, 15 ноябри соли 2011 дар шаҳри Қурғонтеппа дар назар аст. Дар ин бора аз дафтари матбуоти Вазорати фарҳанги Ҷумҳурии Тоҷикистон хабар доданд.