Хабарҳо аз хориҷи кишвар

Душанбе, 21 ноябр. (АМИТ «Ховар»). – Дар интихоботи парлумони Испаниё, ки 20 ноябр баргузор гардид, Ҳизби халқӣ ғалаба кард. Мувофиқи маълумоти пешакӣ, Ҳизби халқӣ 44, 62 фоизи овозҳоро ба даст овардааст. Ин ба ҳизби номбурда имкон медиҳад, ки дар парлумон аз ҷумлаи 350 ҷой 186 ҷойро ба даст орадхххРӯзи якшанбеи гузашта дар майдони Таҳрири шаҳри Қоҳираи Миср камаш 11 кас ҳалок гардид. Сабаби ин бо ҳимояи артиш намоишчиёнро пароканда намудани кормандони идораи пулис буд. Намоишчиён талаб мекарданд, ки ҳокимият аз низомиён ба мансабдорони мулкӣ супурда шавад.хххБар асари сӯхтор дар қисми шарқии шаҳри Деҳлии Ҳиндустон камаш 16 кас ҳалок гардида ва 35 кас осеб дидааст. Сӯхтор дар маркази фарҳангии шаҳр рух дод. Сабаби сар задани сӯхтор нуқсон пайдо кардани сими барқ будааст.
 
ххх
 
Туркия ҳамаи навъи тавлиди нерӯи барқро дар кишвар истифода бурданӣ шуда, бо ин мақсад имконияти рушди энергетикаи ҳастаиро баррасӣ менамояд. Тавре рӯзномаи «Сабоҳ» хабар медиҳад, сарвазири Туркия Раҷаб Тойиб Эрдуғон дар ин бора изҳорот додааст.