Хабарҳо аз хориҷи кишвар

Душанбе, 25 ноябр. (АМИТ «Ховар» ). – Бар асари задухӯрдҳо дар Сурия беш аз 50 кас, аз ҷумла 13 нафар сокинони осоишта ҳалок гардидаанд. Намоишҳои зиддиҳукуматӣ дар Сурия аз моҳи март инҷониб идома доранд. Лигаи давлатҳои араб ба вазъияти кишвар дахолат намуда, аз президенти он Башор Асад талаб кардааст, ки ба хунрезӣ хотима бахшад.хххҲукуматдорони Британияи Кабир собиқ роҳбарони бонки Снорас — и Литва — шаҳрванди Федератсияи Русия Владимир Антонов ва Раймондас Бранаускаси литвониро дастгир намуданд. Прокуратураи генералии Литва қаблан эълон намуда буд, ки ин ду нафар дар ҷустуҷӯи байналмилалӣ қарор доранд. хххБар асари амалиёти террористӣ дар шаҳри Басраи Ироқ 11 кас ҳалок гардида, беш аз 40 нафар захм бардоштааст. Дар бозори ин шаҳр дар як вақт се таркиш рух дод. Бисёр кормандони пулис ва сарбозон аз ҷумлаи ҳалокшудагону осебдидагон мебошанд.