Мулоқот бо ҳамватанон дар Молдова

Душанбе, 14 ноябр. (АМИТ «Ховар», Назокат Қодирова).- Раиси Кумитаи Маҷлиси намояндагони Маҷлиси Олии ҶТ оид ба масъалаҳои аграрӣ ва экология Саиди Ёқубзод аз Ҷумҳурии Молдова баргашт. Вай дар ҷаласаи навбатии Комиссияи доимӣ оид ба масъалаҳои сиёсати аграрӣ, захираҳои табиӣ ва экологияи давлатҳои узви ИДМ, ки дар шаҳри Кишинёв баргузор гардид, иштирок намуд. Мавсуф пас аз анҷоми ҷаласа бо гурӯҳи ҳамватанонамон вохӯрӣ анҷом дод. Дар ҷумҳурии Молдова тибқи маълумот 12 нафар ҳамватани мо кору зиндагӣ намуда, ҳамагӣ шаҳрвандии Молдоваро гирифтаанд. Ҳамватанони мо сокинони шаҳрҳои мухталиф ва соҳибони касбу кори гуногунанд: Раҳимҷон Сафаров (нафақахӯр), Субҳон Ходшоев (мухбири суратгир), Толибҷон Кенҷаев (соҳибкор), Сафарбек Раҷабов (нафақахӯр) ва Парвиз Сайдалиев (сохтмончӣ).Зимни мулоқот ҳамватанон аз он изҳори миннатдорӣ карданд, ки мақомоти олии кишвар ба онҳо, ки бо амри тақдир дур аз ватан кору зиндагӣ доранд, таваҷҷӯҳ зоҳир менамояд.