Рушди маориф дар ноҳияи Рашт
Рашт, 22 ноябр. (АМИТ «Ховар», Зебо Давлатова).- Тавре ки мудири маорифи ноҳияи Рашт Давлатмаҳмад Алиев ба хабарнигори АМИТ «Ховар» иттилоъ дод, дар ноҳия 111 мактаб мавҷуд буда, дар онҳо 22 ҳазору 86 нафар хонанда дониш меомӯзанд ва 1255 омӯзгор дарс мегӯянд. Бо дастгирии Вазорати маорифи Ҷумҳурии Тоҷикистон соли ҷорӣ ба ихтиёри мактабҳои ноҳия 2500 адад китоби дарсӣ, 50 баста мизу курсӣ, инчунин 10 баста мизу курсӣ барои синфҳои компютерӣ ва 5 тахтаи синфӣ вогузор гардиданд.