Сафорати Ҷопон озмуни беҳтарин нишонро эълон мекунад
Душанбе, 11 ноябр. (АМИТ «Ховар», Пайрав Назаров).- Сафорати Ҷопон дар Тоҷикистон бораи эҷоди нишон (логотип) бахшида ба 20-солагии барқарорсозии муносибатҳои дипломатӣ миёни Ҷопон ва Ҷумҳурии Тоҷикистон озмун эълон менамояд.Тавре ки аз раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» иттилоъ доданд, нишони мазкур дар тамоми чорабиниҳои муштараки миёни Ҷопон ва Тоҷикистон истифода хоҳад шуд. Вазорати корҳои хориҷии Ҷумҳурии Тоҷикистон мавзӯъро ба иттилои ҳамаи шахсони манфиатдор мерасонад. Тибқи суханони манбаъ, нишон бояд таҷассумкунандаи муносибатҳои мустаҳками дӯстонаву анъанавии миёни Ҷопон ва Тоҷикистон, ҳамчунин офаридаи аслии ширкаткунандаи озмун бошад, ки пеш аз ин на дар дохил ва на дар хориҷ аз кишвар интишор ва истифода нашуда бошад.Мӯҳлати охирини қабули нишонҳо 23 ноябри соли ҷорист. Ғолиби озмун тақрибан дар нимаи моҳи декабри соли равон эълон карда мешавад. Эҷодиёти интихобшуда дар сомонаи сафорат бо ишораи ному насаб, вазифаи муаллиф ва тасвири тарҳи нишон нашр мегардад. Аз ҷониби сафорати Ҷопон ба ғолиби озмун сертификати муаллифӣ тақдим хоҳад шуд.
Дар Тоҷикистон беш аз 200 корхона ва ҷамъияти нақлиётӣ фаъолият менамояд
Дар шаҳри Гулистон корхонаи таъмири трансформаторҳо ба истифода дода шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар ноҳияҳои алоҳидаи Тоҷикистон туман мефарояд
Имрӯз дар Тоҷикистон ҳавои тағйирёбанда пешгӯӣ мешавад
Дар ноҳияи Носири Хусрав тақдими «Шоҳнома»-и безаволи Ҳаким Фирдавсӣ оғоз шуд
«САРҲАДБОНОН-ЧАШМИ БЕДОРИ ВАТАН». Дар қисми ҳарбии Қӯшунҳои сарҳадӣ ҳамоиши тантанавӣ баргузор гардид
Дар партави Паёми Президенти Тоҷикистон ба Маҷлиси Олӣ оид ба масоили соҳибкорӣ ва сармоягузорӣ ҳамоиш доир шуд
ZET-MOBILE натиҷаҳои давраи чоруми иқдоми «Миллионро гир»-ро барои моҳи ноябр ҷамъбаст кард
Имрӯз дар водиҳои Тоҷикистон борон меборад
Туҳфаҳои Президенти Тоҷикистон ба тарбиятгирандагони Мактаб-интернати назди Муассисаи таълимии ноҳияи Спитамен расонида шуданд
