Воқеаи нохуш

Душанбе, 16 ноябр. (АМИТ «Ховар», Мавҷуда Анварӣ). — Дирӯз ҳангоми ҳаракати автомашинаи тамғаи «ГАЗ-53» таҳти идораи Чимӣ Абӯбакрови 37-сола дар километри 565-уми роҳи автомобилгарди Душанбе-Хоруғ аз болои кӯҳ санги калон афтода ба чархи қафои автомашина бархӯрдааст.Тавре аз маркази матбуоти ВКД ҷумҳурӣ ба АМИТ «Ховар» хабар доданд, дар натиҷаи ҳодисаи нохуш ронандаи автомашина ва мусофири он Дониш Зобитшоеви 26-сола дар дарёи Ванҷ ғарқ гардиданд.Мусофирони дигари дохили автомашина Орзуи Шерози 17-сола ва Абӯбакр Ҷимии 13 –сола ҷароҳатҳои гуногуни ҷисмонӣ бардошта, дар беморхонаи ноҳияи Ванҷ бистарӣ шудаанд.