Ҳар рӯз сабзавоти тару тоза

Душанбе, 15 феврал. (АМИТ «Ховар», Лаззат Диловарзод).- Аз маркази матбуот ва иттилооти Вазорати кишоварзӣ ба мухбири АМИТ «Ховар» иттилоъ доданд, ки масоҳати гармхонаҳои ҷумҳурӣ ба 67 гектар расида, дар масоҳати 61 гектар бодирингу помидор кишт шудааст.Аз 10 –уми январи соли ҷорӣ гармхонаҳо истеҳсоли сабзавотро оғоз намуданд.То 13 –уми феврали соли 2012 аз гармхонаҳои ҷумҳурӣ ба миқдори 66 тонна помидор, 46 тонна бодиринг ва 35 тонна намудҳои дигари сабзавот ҷамъоварӣ ва вориди бозорҳои ҷумҳурӣ гардонида шудаааст.То 13 –уми феврал аз гармхонаҳои вилояти Суғд ба миқдори 9,4 тонна помидор ва 7,4 тонна бодиринг ва аз вилояти Кӯлоб 25 тонна помидор ва 28 тонна бодиринг ҷамъоварӣ ва пешниҳоди харидорон гардонида шудааст.