Барқияи шодбошии Эмомалӣ Раҳмон ба Президенти Бангладеш
Душанбе, 2 март. (АМИТ «Ховар»). — Президенти Ҷумҳурии Тоҷикистон Эмомалӣ Раҳмон ба Президенти Ҷумҳуриии Халқии Бангладеш Зиллур Раҳмон барқияи шодбошӣ ирсол намуд, ки дар он аз ҷумла гуфта мешавад: Ҷаноби Олӣ, Сарфарозам ба муносибати фарорасии санаи хотирмон дар таърихи равобити муосири байни Ҷумҳурии Тоҷикистон ва Ҷумҳурии Халқии Бангладеш – 20-солагии истиқрори муносибатҳои дипломатӣ ба Шумо табрикоти самимӣ ва таманниёти неки хешро бифиристам. Аз ин фурсати муносиб истифода карда, мехоҳам изҳори итминон намоям, ки муносибатҳои ҳасанае, ки то имрӯз байни кишварҳои мо ташаккул ёфтаанд, дар оянда низ густариши бемайлон пайдо намуда, ба манзури таҳкими анъанаҳои робитаҳои дӯстию бародаронаи байни мардумонамон дар соҳаҳои мухталифи ҳамкориҳои мутақобилан судманд бо мазмуну мундариҷаи мушаххас ғанӣ хоҳанд гашт. Ҷониби Тоҷикистон омода аст, ки барои расидан ба ин мақсадҳои наҷиб дар асоси усулҳои эътирофгардидаи баробарҳуқуқӣ, эҳтиром ва риояи манфиатҳои якдигар ҳамаи кӯшишҳои лозимаро ба харҷ диҳад. Ба Шумо, Ҷаноби Олӣ, сиҳатии комилу муваффақиятҳои нав ба нав ва ба мардуми дӯсти Бангладеш сулҳу субот ва саодату рифоҳ орзумандам.Дар ин бора ба АМИТ «Ховар» аз Хадамоти матбуоти Сарвари давлат иттилоъ доданд.
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
