Форсизабонҳо маркази муштарак созмон медиҳанд
Душанбе, 14 март.(АМИТ «Ховар», Марзия Саидова).- Дар ояндаи наздик дар кишварҳои форсизабон- Тоҷикистон, Афғонистон ва Эрон маркази муштараки пажӯҳиши Наврӯз созмон дода мешавад. Ин пешниҳодро 14 марти соли равон Додихудо Саймиддинов, раиси Кумитаи забон ва истилоҳоти назди Ҳукумати ҷумҳурӣ дар ҷараёни баргузории конфронси илмии «Наврӯз ҷашни байналмилалӣ» ироа кард. Зикр гардид, ки маркази муштарак бо мақсади омӯзиши паҳлӯҳои гуногуни ҷашни байналмилалии мардумони ориёинажод -Наврӯз таъсис дода шуда, он дар таҳкими ҳамгироӣ, равобити илмию фарҳангии на танҳо кишварҳои форсизабон, балки дигар давлатҳои ҷаҳон, ки Наврӯзро таҷлил менамоянд, нақши бориз хоҳад гузошт. Пешниҳоди мазкур аз ҷониби намояндагони кишварҳои Афғонистону Эрон низ хуш истиқбол гардид. Аз ҷумла, Алиасғари Шеърдӯст, сафири фавқулодда ва мухтори Ҷумҳурии Исломии Эрон дар Ҷумҳурии Тоҷикистон ин пешниҳодро беҳтарин иқдом арзёбӣ кард ва гуфт: мо барои созмон додани маркази муштараки омӯзиши Наврӯз саъю талош менамоем.
Аз 22 то 24 декабр дар бештари ноҳияҳои Тоҷикистон фаромадани туман ва резиши қирав боқӣ мемонад
Паём — роҳнамои татбиқи идеяҳои низоми давлатдории миллӣ
Ба 10 зани ҳунарманд ва соҳибкори шаҳри Бӯстон гранти раиси шаҳр тақдим карда шуд
Имрӯз дар шаҳри Душанбе бориши борон ва барф дар назар аст
Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
Доир ба нақши Китобхонаи миллии Тоҷикистон дар омӯзиши забонҳои чинӣ ва кореягӣ конфронс доир шуд
Дар вилояти Суғд ғолибони озмунҳо қадрдонӣ гардиданд
Дар шаҳри Ҳисор маъракаи азнавбақайдгирии нафақагирон идома дорад
Имрӯз дар Тоҷикистон зимистони астрономӣ фаро мерасад
Имрӯз дар баъзе ноҳияҳои Тоҷикистон бориши борон ва барф дар назар аст
«Кока-Кола Нӯшокиҳои Тоҷикистон» ва Федератсияи футболи Тоҷикистон ҳамкории дарозмуддатро тасдиқ намуданд
