Натиҷаҳои беҳтарини варзишгарони тоҷик
Душанбе, 2 март. (АМИТ «Ховар», Дилшодаи Хайруллоҳ).- 25-26 феврали соли равон дар шаҳри Остонаи кишвари Қазоқистон мусобиқаи кушоди байналмилалӣ доир ба карате-кёкушинкай миёни наврасон ва ҷавонони синни то 14 сола доир гардид. Дар чорабинӣ 450 варзишгар аз Русия, Қазоқистон, Қирғизистон, Тоҷикистон, Туркманистон ва Олмон ширкат варзиданд. Кишвари моро дар ин чорабинӣ 13 нафар варзишгари дастаи мунтахаби ҷумҳурӣ таҳти раҳбарии раиси Федератсияи карате-кёкушинкайи мамлакат Ҳикматулло Кароматов намояндагӣ карда, зимни рақобат ва қувваозмоӣ натиҷаҳои хуби варзишӣ ба даст оварда, бо 8 медал аз мусобиқаи мазкур ба ватан баргаштанд. Ҷовид Икромов дар вазни 30 кг ва Сироҷиддин Ҷалилов дар вазни 40 кг ба гирифтани медали тилло, Фарзод Нуруллоев дар вазни 40 кг ба гирифтани медали нуқра ва Искандар Яъқубов, Баҳром Бурҳонов, Муҳибулло Нуров, Гулаҳмад Раҳматшоев ва Уктам Давлатов ба гирифтани медали биринҷӣ ноил гардиданд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
