Дар қасабаҳои 14-15-и «Ховарон» манзил бунёд мегардад
Душанбе, 13 апрел.(АМИТ «Ховар», Марзия Саидова).- 712 нафар шаҳрванди эҳтиёҷманди пойтахт дар асоси қарори марбутаи раиси шаҳри Душанбе Маҳмадсаид Убайдуллоев дар қасабаҳои /кварталҳои/ 14 ва 15-уми маҳаллаи «Ховарон» /Теппаҳои Шарқӣ/ бо қитъаҳои замин дар масоҳати 3 садякӣ (0.03 га) ҷиҳати бунёди хонаҳои истиқоматӣ таъмин гардиданд. Аз 712 нафар эҳтиёҷманд 208 нафарашон сокинони ноҳияи Сино, 168 нафарӣ аз ноҳияҳои Шоҳмансур, Фирдавсӣ ва ноҳияи Исмоили Сомонӣ мебошанд. Вазъи зисти шаҳрвандони эҳтиёҷманд, ки бо қитъаҳои замин таъмин гардиданд, қаблан аз ҷониби Комиссияҳои ҷамъиятии ноҳияҳои шаҳри Душанбе ба таври шаффоф ва одилона омӯхта шудаанд. Шавкат Саидов, котиби матуботии раиси шаҳри Душанбе мегӯяд, ки таъмини оилаҳои эҳтиёҷманд дар қасабаҳои 14 ва 15-уми маҳаллаи «Ховарон» дар доираи татбиқи Нақшаи генералии шаҳри Душанбе ҷараён гирифтааст. Ҳамзамон мавсуф афзуд, ки алҳол дар сохтори марбутаи шаҳрдорӣ беш аз 25 ҳазор аризаи шаҳрвандон ҷиҳати гирифтании қитъаи замин вуҷуд дорад, ки шаҳрдорӣ алҳол имконияти таъмини тамоми касонеро, ки бо ариза муроҷиат кардаанд, надорад.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
