ВКД шиканҷаро аз ҷониби кормандон қотеъона маҳкум менамояд
Душанбе, 20 апрел. (АМИТ «Ховар», Лутфия Эшонқулова).-Вазорати корҳои дохилӣ бо мақсади риояи қонуният пешгирии расонидани зарар ба саломатӣ ва шиканҷаро аз ҷониби кормандон қотеъона маҳкум менамояд. Маҳз ба ҳамин хотир дар РКД шаҳри Душанбе бо иштироки Раиси Суди конститутсионии Ҷумҳурии Тоҷикистон Маҳкамбой Маҳмудов ва меҳмонони дигар мақомоти дахлдор чорабинии фаҳмондадиҳӣ гузаронида шуд. Дар чорабинӣ зикр шуд, ки кормандони милитсия пеш аз ҳама бо гумонбаршудагон муомилаи инсондӯстона дошта бошанд, шиканҷа ва зӯровариро раво набинанд, барои саломатии онҳо ҷавобгӯ бошанд. Аз ҷумла, сардори Раёсати корҳои дохилии шаҳри Душанбе полковники милитсия Абдураҳмон Бузмаков иброз дошт, ки бо мақсади пешгирии чунин кору амалҳои номатлуб пайваста дар байни ҳайати шахсӣ сӯҳбату вохӯриҳо доир мешавад. Дар охир иштирокчиён гуфтанд, ки аз байн бурдани шиканҷа ва зӯроварӣ нисбат ба дастгиршудагон пеш аз ҳама барои баланд гаштани обрӯи мақомоти қудратӣ мусоидат намуда, аҳли ҷомеа ба онҳо эътимод пайдо менамояд.Дар ин бора ба АМИТ «Ховар» аз маркази матбуоти Вазорати корҳои дохилии ҶТ хабар доданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
