Аввалин ҷаласаи ситоди кории амалиёти «Кӯкнор-2012»

Душанбе, 17 май. (АМИТ «Ховар», Мавҷуда Анварӣ). — Дирӯз дар Агентии назорати маводи нашъаовари назди Президенти Ҷумҳурии Тоҷикистон аввалин ҷаласаи ситоди кории амалиёти «Кӯкнор-2012» таҳти раёсати муовини аввали директори агентӣ, сардори ситод — Вайсиддин Азаматов доир гардид.Дар ҷаласа масъалаҳои ташкилии баргузории амалиёти «Кӯкнор-2012», ҳамчунин ҳамкории вазорату идораҳои ширкаткунанда дар татбиқи он мавриди баррасӣ қарор гирифтанд.Нақшаи чорабиниҳои роҳандозии амалиёти Кӯкнор-2012, ки ташкили ҳамкориҳо миёни мақомоти ҳифзи ҳуқуқ бо мақсади коркарди амалҳои якҷоя доир ба бастани роҳҳои ворид гардидани мухаддирот, интиқол, истеҳсол ва фурӯши он, дарёфти маълумот перомуни муомилоти ғайриқонунии воситаҳои нашъаовари растанинасаб ва муайян намудани объектҳои дарбаргирандаи чорабиниҳо, таъмини назорати иҷрои супоришот, ошкорсозӣ ва нобудсозии воситаҳои нашъаовари худрӯй, ташкил ва гузаронидани корҳои фаҳмонидадиҳӣ дар байни аҳолиро дар бар мегирад, тасдиқ шуд.Дар кори ҷаласа намояндагони вазоратҳои корҳои дохилӣ, фарҳанг ва тандурустӣ, Хадамоти гумрук ва Кумитаи давлатии амнияти миллии кишвар иштирок намуданд.Амалиёти «Кӯкнор – 2012» дар қаламрави ҷумҳурӣ ҳар сол гузаронида шуда, имсол аз 20-уми май оғоз ва 30-юми ноябри соли 2012 ба анҷом мерасад.Дар ин бора ба АМИТ «Ховар» аз маркази матбуоти Агентии назорати маводи нашъаовар хабар доданд.