Интихоби С.Наришкин ба ҳайси раиси АБ СААД
Душанбе, 18 май.(АМИТ «Ховар», Марзия Саидова).-Сергей Наришкин- раиси Думаи давлатии Маҷлиси Федералии Русия дар ҷаласаи пленарии V-уми Ассамблеяи байнипарлумонии /АБ/ Созмони Аҳдномаи амнияти дастаҷамъӣ /СААД/ бо пешниҳоди Маҳмадсаид Убайдуллоев, раиси Маҷлиси миллии Маҷлиси Олии Ҷумҳурии Тоҷикистон раиси АБ СААД интихоб гардид. Дар ҷаласа дар радифи дигар масъалаҳо Барномаи фаъолияти АБ СААД барои солҳои 2012-2015, лоиҳаи тавсияҳо ҷиҳати ташкили рўйхати ягонаи маводи мухаддир, ки мавриди назорат дар кишварҳои узви СААД қарор доранд, танзими қонунгузории миллии иҷрои ҷазо, тавзеҳоти таъмини асосҳои қонунии мақоми ҳайати шахсии қуввваҳои дастаҷамъонаи вокуниши фаврии СААД баррасӣ ва бо қабули қарорҳои дахлдор ҷонибдорӣ карда шуданд.Дар ҷаласаи Ассамблея масъалаи 10-солагии фаъолияти СААД ва 20-солагии ба имзо расидани Аҳдномаи ин ниҳод мавриди таваҷҷўҳ ва муҳокимарониҳои парламентарҳои узви ин созмони бонуфуз қарор гирифтаанд. Аснои қабули изҳороти АБ СААД таклифи раиси Маҷлиси миллиии Маҷлиси Олии Ҷумҳурии Тоҷикистон ҷиҳати дастгирии Декларатсияи 15 майи соли 2012, ки дар Маскав аз тарафи Сарони давлатҳои аъзои СААД ба тасвиб расид, ҷонибдорӣ гардида, имзо шуд.