Ҷинояткор ҷазояшро гирифт
Кӯлоб, 18 июн. (АМИТ «Ховар», С.Холов). – Бинобар иттилои ёвари раиси Суди шаҳри Кӯлоб Саидҷаъфар Юлдошев, суди шаҳр парвандаи ҷиноии истиқоматкунандаи кӯчаи ба номи Содиқови шаҳри Кӯлоб Изатулло Сафаровро мавриди баррасӣ қарор дода, ӯро мувофиқи Кодекси Ҷиноятии Ҷумҳурии Тоҷикистон гунаҳкор дониста ва ба мӯҳлати 10 сол аз озодӣ маҳрум намуд.Изатулло Сафаров мӯҳлати ҷазояшро дар муассисаҳои ислоҳии низомашон сахт сипарӣ мекунад. Ба гуфтаи манбаъ, Изатулло Сафаров 5 килограмму 552 грамм маводи нашъаоварро дар хонаи истиқоматиаш пинҳон карда, ҳангоми ба фурӯш баровардани як қисми он дастгир шудааст.