4 варзишгари «Динамо»- соҳиби роҳхат ба Олимпиадаи Лондон-2012
Душанбе, 1 июн. (АМИТ «Ховар», Лутфия Эшонкулова).-Имрӯз дар Вазорати корҳои дохилӣ вохӯрии роҳбарияти вазорат бо варзишгарони Шӯрои ҷумҳуриявии «Динамо»-и ВКД Мавзуна Чориева, Парвиз Собиров ва Анвар Юнусов, ки ба олимпиадаи тобистонаи Лондон-2012 роҳхат гирифтаанд, баргузор гардид. Муовини вазири корҳои дохилӣ генерал-майори милитсия Саидхон Ҷӯрахонов изҳори қаноатмандӣ намуд ,ки аз Шӯрои ҷумҳуриявии «Динамо»-и ВКД чанд нафар ба олимпиадаи тобистонаи Лондон-2012 роҳхат гирифтаанд. Муовини вазири корҳои дохилӣ генерал-лейтенанти милитсия Шералӣ Сабзов ба варзишгарони Шӯрои ҷумҳуриявии «Динамо»-и ВКД Мавзуна Чориева, Парвиз Собиров ва Анвар Юнусов Сипоснома, рутбаҳои махсуси навбатӣ ва тӯҳфаҳои хотиравиро супорид. Бояд қайд кард, ки варзишгари дигари Шӯрои ҷумҳуриявии «Динамо» Алишер Гулов низ роҳхат ба олимпиадаи тобистонаи Лондон-2012-ро ба даст оварда, дар айни замон дар мусобиқаи байналмилалӣ дар Ҷумҳурии Корея қарор дорад. Ӯ низ бо Сипосномаи вазири корҳои дохилӣ ва тӯҳфаҳои хотиравӣ сарфароз гардид. Ҳар сол даҳҳо нафар варзишгарони Ҷумҳурии Тоҷикистон дар мусобиқаҳои байналмилалӣ ширкат меварзанд ва соли 2011 онҳо соҳиби 307 медал, аз чумла 92 медали тилло, 88 медали нуқра ва 127 медали биринҷӣ гаштаанд.
ҶАМЪБАСТИ НИШАСТҲОИ МАТБУОТӢ. 8 август дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
ОБОДОНӢ ДАР ДЕҲОТ. Дар деҳаи Роҷи Панҷакент варзишгоҳи мактабӣ ба истифода дода шуд
