Барқияи табрикии Эмомалӣ Раҳмон ба Владимир Путин
Душанбе, 13 июн. (АМИТ «Ховар»).-Президенти Ҷумҳурии Тоҷикистон Эмомалӣ Раҳмон ба Президенти Федератсияи Русия Владимир Путин бинобар сабаби таҷлили солгарди қабули Эъломия дар бораи Истқлолияти давлатии Федератсияи Русия барқияи табрикӣ фиристод, ки дар он аз ҷумла чунин омадааст: Владимир Владимировичи мӯҳтарам,Бинобар сабаби таҷлили солгарди қабули Эъломия дар бораи истиқлолияти давлатии Федератсияи Русия табрикоти сидқию самимии маро қабул фармоед. Тоҷикистон ба сатҳи ба дастомадаи муносибот ва ҳамкориҳои стратегии байни ҳарду кишвар баҳои баланд медиҳад. Изҳори умед мекунам, ки талошҳои муштараки мо ба ҳамкориҳои судманди миёни ҳарду кишвар нерӯи тоза мебахшад. Шуморо бовар мекунонам, ки ҷониби Тоҷикистон ҳамаи имкониятҳоро барои дар амал татбиқ намудани қарордодҳо дар бораи вусъат ва тақвияти минбаъдаи муносиботи дуҷониба истифода мекунад. Дар ин рӯзи фархунда иҷозат диҳед ба Шумо, Владимир Владимировичи мӯҳтарам, дар татбиқи нақшаҳо ва талошҳои Шумо, ки ба шукуфоии Русия ва таҳкими мавқеи он дар арсаи байналмилалӣ равона гардидаанд, тандурустии комил ва комёбиҳои беназир, ба халқи дӯсти он- сулҳу некӯаҳволиро таманно намоям. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
