Чин-сармоягузори асосии Тоҷикистон
Душанбе, 6 июн. (АМИТ «Ховар», Лаззат Диловарзод).- Коршиносони масоили иқтисодӣ ҳамкориҳои Тоҷикистонро дар бахши иқтисоду савдо нисбат ба дигар кишварҳое, ки бо Тоҷикистон ҳамкориҳои иқтисодӣ доранд, бештар манфиатовар меҳисобанд. Ба гуфти вазири энергетика ва саноат Гул Шералӣ, дар айни замон дар Ҷумҳурии Тоҷикистон 50 ширкати чинӣ дар тарҳҳои гуногуни сохтмонӣ, аз ҷумла сохтмони нақбҳои «Шаҳристон», «Шаршар», «Чормағзак», бунёди хати баландшиддати барқи 50 мегаваттии «Ҷануб -Шимол» ва 220 мегаваттии «Лолазор -Хатлон» ва боз даҳҳо иншооти дигар фаъолият доранд.Ба иттилои манбаъ, ҳаҷми умумии сармоягузории Чин дар Тоҷикистон беш аз 1,5 млрд. долларро ташкил медиҳад, ки он дар маҷмӯъ аз сармоягузории Эрону Русия зиёд аст.Чин дар давоми ин ҳамкориҳо ба Тоҷикистон беш аз 200 млн.юан кӯмаки молиявии бебозгашт расонидааст.