Чоҳи Амудӣ
Ашт, 25 июн. (АМИТ «Ховар», Мирзалӣ Амонов).- Дар ноҳияи Ашт потенсиалҳои кишоварзии ноҳия бештар истифода мегарданд.Дар хоҷагии деҳқонии «Судча» 4 чоҳи амудии нав кофта ба истифода дода шуд. Дар арафаи иди Ваҳдати миллӣ 4-умин чоҳи амудии хоҷагӣ ба истифода дода шуд.Ин чоҳҳои амудӣ имкони обёрию истифодаи беш аз 100 гектар замини навро фароҳам меоварад.Ин 4 чоҳи амудӣ дар ҷуқурии 50 метр кофта шуда, ҳар яке ба маблағи 6 ҳазор сомонӣ омода шудааст. Тавре сардори хоҷагӣ Абдулҳақ Муфтоев иброз дошт, дар назар аст чоҳҳои амудӣ ба 10 адад расонида шаванд.