Иштироки Тоҷикистон дар намоишгоҳи тиҷоратии Қошғар
Душанбе, 29 июн. (АМИТ «Ховар», Покиза Маҳмадбекова). – 28 июн ҳайати расмии Палатаи савдо ва саноати (ПСС) Ҷумҳурии Тоҷикистон дар маросими ифтитоҳи Намоишгоҳи 8 – уми тиҷоратии кишварҳои Осиёи Марказӣ ва Ҷанубӣ дар Қошғар иштирок намуд. Тавре ки аз ПСС ҷумҳурӣ ба АМИТ «Ховар» хабар доданд, дар кори намоишгоҳ аз ҷониби Тоҷикистон 100 ширкати фаъолияташон гуногуни аъзои Палатаи савдо ва саноати Тоҷикистон иштирок доранд. Ин чорабинии тиҷоратию иқтисодии байналмилалӣ ба рушди равобити байни кишварҳои Осиёи Марказӣ ва Ғарбию Ҷанубӣ мусоидат мекунад. Нигораҳои Тоҷикистон доираи васеи дастовардҳои рушди иқтисодиро фаро мегиранд. Дар ин ҷо маҳсулоти муассисаҳои Палатаи савдо ва саноати Тоҷикистон, корхонаю ташкилотҳои ҷумҳурӣ, маводи иттилоотӣ дар бораи вазъи имрӯза ва дурнамои рушди соҳаҳои асосии иқтисодиёти ҷумҳурӣ ба маърази намоиш гузошта шудаанд.Иштироки Тоҷикистон дар намоишгоҳ ба намояндагони бисёр кишварҳо имкон медиҳад, ки бо Тоҷикистон, дигаргунсозиҳои он, дастовардҳои имрӯза ва авлавиятҳои рушди давлатдорӣ аз наздик шинос шаванд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
