Мулоқоти кормандони АНМН бо занони маҳалла
Душанбе, 14 июн. (АМИТ «Ховар», Лутфия Эшонқулова). – 13 июн кормандони Агентии назорати маводи нашъаовари назди Президенти ҶТ (АНМН) якҷоя бо намояндагони Кумитаи кор бо занон ва оила ва Кумитаи корҳои дини назди Ҳукумати ҶТ бо занони маҳаллаи «Меҳнатобод» — и ноҳияи Синои шаҳри Душанбе маҷлиси вохӯрӣ ташкил намуданд.Мувофиқи хабари Агентии назорати маводи нашъаовар, ин вохӯрӣ ба мавзӯи мубориза алайҳи маводи нашъаовар бахшида шуда буд. Иштирокдорони он масъалаҳои нашъамандии байни ҷавононро мавриди муҳокима қарор доданд.Ғайр аз ин кормандони Агентӣ дар мавриди ҷилавгирии бемории ВИЧ/СПИД ба ҳозирон маълумот доданд.Мақсад аз чунин вохӯриҳо тарғиби тарзи солими зиндагӣ ва дар ниҳоди шаҳрвандон парваридани ҳисси ватандӯстӣ ва пеш гирифтани мавқеҳои зидди маводи нашъаовар аст.