Нақши Ваҳдати миллӣ дар дастовардҳои иқтисодӣ

Душанбе, 22 июн. (АМИТ «Ховар», Дилшодаи Хайруллоҳ).- Имрӯз дар вазорати энергетика ва саноати Ҷумҳурии Тоҷикистон бахшида ба таҷлили 15-умин солгарди Рӯзи ваҳдати миллӣ ҷаласаи васеи кормандони Дастгоҳи марказӣ ва муассисаву корхонаҳои тобеи вазорати энергетика ва саноати Ҷумҳурии Тоҷикистон баргузор гардид. Ҷаласаро бо сухани муқаддимавӣ муовини вазири энергетика ва саноати Ҷумҳурии Тоҷикистон Маҳмадуллоев Хайрулло Амонуллоевич кушода, ҳозиринро бо ҷашни 15 солагии Рӯзи ваҳдати миллӣ табрику муборакбод намуда, дар бораи нақши Ваҳдати миллӣ дар дастовардҳои иқтисодӣ, аз ҷумла дар соҳаҳои энергетика ва саноат, таъмини истиқлолияти энергетикӣ ва рушди тамоми паҳлӯҳои ҳаёти ҷомеа ибрози назар намуд. Саъдиев Ш.С. номзади илмҳои таърих, дотсент, устоди Донишкадаи соҳибкорӣ ва хизмат дар баромади худ оид ба моҳият ва аҳамияти Ваҳдати миллӣ, барқароршавии сулҳ ва амнияту осоиштагӣ дар ҷумҳурӣ сухан ронда, қайд намуд, ки маҳз бо шарофати он дар Тоҷикистон заминаҳои рушду пешрафт фароҳам омада, ҷумҳурӣ ба комёбиҳову дастовардҳои назарраси сиёсиву иқтисодӣ ва фарҳангӣ ноил гардид ва дар ҷаҳони муосир мавқеи махсус пайдо кард, ки нақши роҳбари давлат, Президенти Ҷумҳурии Тоҷикистон Эмомалӣ Раҳмон дар ин дастовардҳо сазовори қадрдонист.Баромадкунандагон оид ба зарурат ва ҳифзи сулҳу ваҳдати бо заҳматҳои зиёд бадастомада, баимзорасонӣ ва татбиқи нақши Созишномаи истиқрори сулҳ ва ризоияти миллӣ, дар сарҷамъ ва ба ҳам овардани миллати тоҷик, таъмини якпорачагии сарзамини тоҷикон суханронӣ намуданд.Сипас дар толор оид ба раванди талошварзиҳо ва истиқрору пойдориии сулҳу ваҳдати бадастомада дар ҷумҳурӣ наворҳо намоиш дода шуд.