Озмуни гимнастикаи бадеӣ ва брек-данс миёни кӯдакону наврасон
Душанбе, 28 июн. (АМИТ «Ховар», Мавҷуда Анварӣ). — Бахшида ба Рӯзи байналмилалии мубориза бо нашъамандӣ имрӯз дар толори варзишии Вазорати алоқа озмуни гимнастикаи бадеӣ ва брек-данс дар байни кӯдакону наврасони аз 5 то 15 сола баргузор гардид. Ҳадаф аз баргузории ин чорабинӣ тарғиби тарзи ҳаёти солим, тарбияи ватандӯстӣ, ташаккули ҷаҳонбинӣ ва фикри солими наврасон арзёбӣ гардид. Иштирокчиёни чорабинӣ мусобиқаҳои гимнастикӣ, ҳаракатҳои мавзуни бадеӣ ва рақсҳои ҷолибро ба ҷамъомадагон пешниҳод намуданд. Рақсҳои бо тӯб, лентаҳои ранга ва ҳалқаҳоро кӯдакон бо сару либоси махсуси варзишӣ, чеҳраҳои болида ва дар сатҳи балад иҷро намуданд. Дар ҷамъбасти чорабинӣ иштирокчиён бо ҷомҳои варзишӣ, медал, диплом, ифтихорономаҳо ва либосҳои махсуси варзишӣ сарфароз гардонида шуданд. Озмун бо ташаббуси Агентии назорати маводи нашъаовари назди Президенти Ҷумҳурии Тоҷикистон ва дастгирии молиявии Сафорати Шоҳигарии Муттаҳидаи Британияи Кабир ва Ирландияи Шимолӣ дар Тоҷикистон гузаронида шуд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
