Рӯзи ваҳдати миллӣ дар Хатлон
Қӯрғонтеппа, 26 июн. (АМИТ «Ховар», Мурод Сотиев). – Тавре ки мудири шӯъбаи маъмурияти вилояти Хатлон Бобоҷон Саидов ба АМИТ «Ховар» хабар дод, 27 июн дар назди муҷассамаи «Ваҳдат» — и маркази вилоят — шаҳри Қӯрғонтеппа Рӯзи ваҳдату мусолиҳаи миллӣ таҷлил карда мешавад. Дар назар аст, ки дар ҷараёни ин чорабинӣ раиси вилоят Ғайбулло Авзалов сокинони вилояти Хатлонро муборакбод намуда, бо иштироки устодони санъати вилоят барномаи консертӣ баргузор мегардад. Ба гуфтаи Бобоҷон Саидов, Рӯзи ваҳдати миллӣ дар ҳамаи шаҳру ноҳияҳои вилояти Хатлон таҷлил мешавад.