Тангаҳои нав ба муомилот бароварда шуданд
Душанбе, 18 июн. (АМИТ «Ховар», Покиза Маҳмадбекова). — Бо мақсади сифатан беҳтар намудани муомилоти пулии кишвар бо тангаҳои нави филизӣ, бо Қарори Раёсати Бонки миллии Тоҷикистон аз 15 июни соли 2012 тангаҳои филизии “сомонӣ” бо арзиши номиналии 1 сомонӣ ва тангаҳои филизии “дирам” бо арзишҳои 5, 10, 20, 50 дирам ба муомилот бароварда шуданд. Аз рӯи иттилои хадамоти матбуотии БМТ, дар қарори навбатии Раёсати Бонки миллии Тоҷикистон муқаррар карда шудааст, тангаҳои филизии “сомонӣ” бо арзиши номиналии 1 сомонӣ ва тангаҳои филизии “дирам” бо арзишҳои 5, 10, 20, 50 дирам барориши соли 2011 дар қатори тангаҳои филизии барориши солҳои 2001 ва 2006, ки айни замон дар муомилот қарор доранд, баробар гардиш менамоянд.