Вазири корҳои хориҷии Тоҷикистон ба Кобул сафар кард
Душанбе, 13 июн. (АМИТ «Ховар»).- 13 июни соли 2012 вазири корҳои хориҷии Ҷумҳурии Тоҷикистон Ҳамрохон Зарифӣ бо сафари корӣ озими шаҳри Кобули Ҷумҳурии Исломии Афғонистон шуд. Зимни сафар вазири корҳои хориҷии Тоҷикистон дар конфронси Кобул оид ба Афғонистон дар сатҳи вазирони корҳои хориҷии кишварҳои Осиё, ки рӯзи 14 июн барпо мегардад, иштирок хоҳад намуд.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.