Зеҳн ҳудуд надорад
Душанбе, 25 июн. (АМИТ «Ховар», Мавҷуда Анварӣ). — Имрӯз дар Театри давлатии академии драмавии ба номи А. Лоҳутӣ Фестивали 7 — уми байналмилалии косибон таҳти унвони «Зеҳн ҳудуд надорад» баргузор мегардад. Ин чорабинӣ ба муносибати 15 — солагии Рӯзи Ваҳдати миллӣ ва истиқрори сулҳ дар Тоҷикистон бахшида шудааст. Дар фестивал 50 нафар косибони хориҷӣ аз Афғонистон, Эрон, Туркия ва 50 нафар косибони маҳаллӣ ширкат хоҳанд кард. Ҳадафи аслии фестивали мазкур муттаҳид сохтани қувваҳои эҷодии косибони Тоҷикистон бо ҳамватанони берун аз кишвар унвон мешавад. Ёдовар мешавем, ки дар Тоҷикистон беш аз 5 ҳазор косибон фаъолият дошта, Тоҷикистон узви Бунёди байналмилалии косибони Осиёи Марказӣ аст. Фестивал тайи се рӯз идома меёбад.