Вохӯрии роҳбарони мақомоти зиддимухаддиротии Қирғизистон ва Тоҷикистон
Душанбе, 28 август. (АМИТ «Ховар», Мавҷуда Анварӣ). — Имрӯз дар шаҳри Хуҷанди вилояти Суғд вохӯрии дуюми роҳбарони Агентии назорати маводи нашъаовари назди Президенти Ҷумҳурии Тоҷикистон ва Хадамоти давлатии назорати маводи нашъадори Ҷумҳурии Қирғизистон баргузор мегардад.Дар ин бора аз Агентии назорати маводи нашъаовари назди Президенти ҶТ ба АМИТ «Ховар» иттилоъ доданд.Зимни мулоқот масъалаҳои вобаста ба ҳамкориҳои сарҳадӣ дар самти мубориза бо муомилоти ғайриқонунии маводи нашъадор муҳокима мешаванд.Бояд зикр намуд, ки миёни мақомоти зиддимухаддиротии Қирғизистон ва Тоҷикистон дар масъалаҳои мубориза бо муомилоти ғайриқонунии маводи нашъадор табодули ахбори оҷилӣ хуб ба роҳ монда шуда ва ин имконият медиҳад, то гурӯҳҳои муташаккили ҷиноятпешаеро, ки алоқаи мустаҳками байналмилалӣ доранд, ошкор ва нобуд созанд. Гурӯҳи корӣ аз рӯзи ба имзо расидани Протокол дар бораи ҳамкориҳо байни ХДНМН ҶҚ ва АНМН ҶТ дар масъалаҳои ташкили ҳамкориҳои наздисарҳадӣ дар самти мубориза бо муомилоти ғайриқонунии маводи нашъадор, ки 6 майи соли 2011 дар шаҳри Ӯш имзо шуда буд, ҷаласаи дуюми худро доир мекунад. Дар ин давра ин ду мақомоти зиддимухаддиротӣ 6 амалиёти махсуси муштарак гузарониданд. Дар анҷоми вохӯрӣ тарафҳо Протоколи гурӯҳи кориро ба имзо мерасонанд.
Имрӯз дар дар водиҳои Тоҷикистон борон меборад
Имрӯз дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
