Ҷаласаи роҳбарони Хадамоти гумруки ИДМ

Душанбе, 5 сентябр. (АМИТ «Ховар», Покиза Маҳмадбекова).- 6 сентябр дар шаҳри Бишкеки Қирғизистон ҷаласаи ҳаштуми Кумитаи роҳбарони ниҳодҳои ҳифзи ҳуқуқи Шӯрои роҳбарони Хадамоти гумруки кишварҳои аъзои Иттиҳоди Давлатҳои Муттаҳид (ИДМ) баргузор мегардад.Тавре ки аз Хадамоти гумруки назди Ҳукумати ҶТ ба АМИТ «Ховар» хабар доданд, дар ҷаласа Тоҷикистонро корманди Хадамоти гумрук Даврон Сангинов муаррифӣ мекунад.Дар ҷаласа нақшаи фаъолияти гурӯҳи корӣ аз рӯи масъалаҳои ҳамкорӣ дар бахши такмили иқтисоси кормандони ниҳодҳои ҳифзи ҳуқуқи Хадамоти гумруки кишварҳои аъзои ИДМ, ҳамчунин лоиҳаи Созишномаи ҳамкории байни Кумитаи роҳбарони ниҳодҳои ҳифзи ҳуқуқи Шӯрои роҳбарони Хадамоти гумруки давлатҳои аъзои ИДМ ва Маркази минтақавии иттилоотӣ оид ба мубориза бо маводи нашъаовар мавриди муҳокима қарор мегирад.