«Дордой» -«Пномнен Кроун». Шикасти дарднок

Душанбе, 27 сентябр. (АМИТ «Ховар», Аловиддин Бӯриев)- Дар даври дуввуми мусобиқа барои Ҷоми Президенти АФК, ки дар Душанбе ҷараён дорад, дастаи «Дордой» финалисти бозиҳои соли гузаштаи ин ҷом «Пномпен Кроун»-ро ба қавле «торумор кард». Шояд аз мутахассисини соҳаи футбол касе гумон надошт, ки чунин натиҷа дар шаҳри Душанбе рух медиҳад, зеро дар рӯзи аввали нишасти матбуотӣ сармураббии англиси ин даста Давид Бус (David Booth) ба хабарнигорон иттилоъ дод, ки дастаи ӯ барои Ҷом муборизаи қатъӣ хоҳад бурд. Вале ин бохт шояд бохти охирини ин даста набошад. Дар вохӯрии оянда пагоҳ соҳиби майдон- дастаи «Истиқлол» ин дастаро имтиҳон хоҳад кард. Натиҷаи калони 8 бар 0 то рӯзи охирин футболбозони «Дордой»-ро дар садри ҷадвали гурӯҳи «А» нигоҳ медорад. Дар гурӯҳи «Б» «Тайвань Пауэр Компани» баъди пирӯзӣ бо натиҷаи 3 бар 1 бар «КРЛ» -и Покистон бо 4 имтиёз садрнишин аст. Дар сурати дар вохӯрии охирин бо натиҷаи 3 бар 0 пирӯз шудани дастаи «Ал-Аммарӣ» бар футболбозони «КРЛ» фаластиниҳо ба бозии ниҳоӣ роҳхат хоханд гирифт.