О. Оқилов: «Тамоми диққат-ба зимистонгузаронӣ!»
Душанбе, 18 сентябр. (АМИТ «Ховар», Дилшодаи Хайруллоҳ).-Имрӯз дар мақомоти иҷроияи маҳаллии ҳокимияти давлатии вилояти Хатлон таҳти раёсати Сарвазири Ҷумҳурии Тоҷикистон Оқил Оқилов ҷаласаи ситоди ҷумҳуриявӣ оид ба масъалаи зимистонгузаронӣ дар вилояти Хатлон баргузор шуд. Дар машварат ҳолати иҷрои қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мантазам ва самарабахш дар давраи тирамоҳ ва зимистони солҳои 2012- 2013» ва нақшаи чорабиниҳои вобаста ба он дар қаламрави вилояти Хатлон муҳокима гардид. Оқил Оқилов роҳбарияти вилоят, шаҳру ноҳияҳо ва дигар сохторҳои ҷумҳуриявию вилоятиро вазифадор кард, ки иҷрои қарори мазкурро дар сатҳи зарурӣ ба роҳ монда, барои самарабахш гузаронидани давраи тирамоҳу зимистон тадбирҳои зарурӣ андешанд. Сарвазири мамлакат Оқил Оқилов таъкид кард, ки барои бемушкилӣ гузаронидани давраи зимистони дар пешистода дар навбати аввал бояд ба беҳдошти соҳаи энергетика, таъмиру барқарорсозии иншооти муҳими саноативу иҷтимоӣ, таъмини захираи кифояи сӯзишвории дизелию ангиштсанг ва маҳсулоти кишоварзӣ, таъмири роҳу кӯпрукҳо ва хатҳои барқу алоқа диққати зарурӣ дода шуда, фаъолияти ситоди вилоятии зимистонгузаронӣ ба таври самарабахш ба роҳ монда шавад.
Имрӯз дар дар водиҳои Тоҷикистон борон меборад
Имрӯз дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
