Чанд хабар аз хориҷи кишвар

Борони сахт дар Магадан Душанбе, 5 октябр. (АМИТ «Ховар»).-Дар вилояти Магадани Федератсияи Русия ҳолати фавқулодда эълон гардидааст. Гуфта мешавад, ки дар ин минтақа дар давоми чанд шабонарўз борони сахт борида, обхезиро ба амал оварда, шоҳроҳе, ки деҳаҳои дурдастро бо маркази ноҳия мепайваст, пурра зери об мондааст. Мувофиқи маълумоти расида 60 километр роҳ пурра хароб гардида, даҳҳо нақлиёт аз ҳаракат бозмондаанд. Кормандони Вазорати ҳолатҳои фавқулоддаи кишвар дар минтақаҳои аз офати табиӣ зарардида мардумро ба ҷойҳои бехавф мекӯчонанд. Вазорати нақлиёт дар айни ҳол корҳои барқарорсозии роҳҳои валангорро шурўъ намудааст.Ширкати «Раен-Эйр»-и Олмон чаро айбдор шуд? Душанбе, 5 октябр. (АМИТ «Ховар»).-Намояндагони иттифоқҳои касабаи Олмон сарнишинони ширкати ҳавопаймоии «Раен-Эйр»-ро барои таъмини нокофии ҳавопаймоҳо бо сўзишворӣ ба хотири сарфаҷўӣ айбдор кардаанд. Ба гуфти расонаҳои хабарии кишвар тафтишот вобаста ба ин ҳодиса охири моҳи июл оғоз гардида буд. Бояд қайд кард,ки аз сабаби нарасидани сўзишворӣ се ҳавопаймои ширкати мазкур дар шаҳри Валенсияи Испания оҷилан фуруд омада буд. Ин амал боиси нигаронии ҳукуматдорони Олмон гардидааст.Мубориза байни ду ширкати истеҳсолкунандаи техника Душанбе, 5 октябр. (АМИТ «Ховар»).- Мубориза байни ду ширкати истеҳсолкунандаи техникаи маишиву электронӣ- «Самсунг» ва «Эппл» тӯли 3 сол аст, ки идома дорад. Ба иттилои Би-Би-Си чанд вақт шуд, ки ширкати Кореяи Ҷанубӣ фурўши компютерҳои планшетии «Гэлекси Ноут»-ро оғоз бахшидааст. Компютер бо протсессори чорядроӣ, 2 гигабайт хотираи фаврӣ, инчунин стилус, ки имконияти якбора бо ду барнома кор карданро медиҳад, муҷаҳҳаз аст. Таҳлилгарон қайд мекунанд, ки ширкати «Самсунг» тавассути «Гэлекси Ноут 10.1» метавонад ба рақиби амрикоиаш наздик шавад. Аммо феълан ширкати «Эппл», ки ҳиссаи фурўши компютерҳои планшетиаш дар ин бозор 64 дарсадро ташкил мекунад, пешсаф аст. Ҳиссаи «Самсунг» ҳамагӣ ба 10 дарсад баробар мебошад.Тарҷумаи Иброҳими Ҳабибуллоҳ